Qué se ve desde era tòrre mès nauta de Toronto?

Diden que se Toronto auer-se còr, aguest serie era Dundas square. En aguesta plaça, e coma reminiscéncia de Times Square de New York, mils anuncis apareishen enes gigantes pantalhes penjades enes façanes des edificis. Ena plaça, concèrts, meeting point, hot dogs e prauvi que demanen quauque dòlar. Ath finau dera película The Soloist ues letres blanques sus un hons nere diden que, sonque ena ciutat de Los Angeles, i a 90000 homeless. Se me met era pèth de garia, e me demani se i a solocion tà aguest grau màxim d’exclosion sociau.

.

Era CN tower ei era estructura independent mès nauta deth món. Era tòrre de telecomunicacions se trape just ath costat deth centre Rogers, un immens pavilhon esportiu damb un tet retràctil a on era semana passada vederem un partit de béisbol entre dus des grani: Yankees de New York vs. Toronto Blue Jays. Ei un espòrt lent; entretengut sonque se, coma es que n’entenen, pòrtes era tua bièra e as tòns amics. . Non pòs èster en Toronto sense caushigar era Younge street, un carrèr que dividís ara ciutat en dus e que s’alongue mès enlà dera ciutat, en tot atrauessar mieja Canadà pendent 1896 quilomètres. Ei, e de golejada, eth carrèr mès long deth món. . Un des cornèrs mès polidi dera ciutat ei Yorkville. En aguest elegant barri de casetes de dues plantes, botigues de delicatessen s’amassen damb exclusius magatzèms de ròba, en tot dar vida as executius que trabalhen ath torn. Un shinhau mès ath nòrd, era Casa Loma, demòstre era riquesa des empresaris de principi de sègle XX quan eth nau continent aufrie oportonitats d’hèr riquesa as mèns arriscats. . Er arriu Niàgara forme un des espectacles mès polidi dera tèrra a tot just ua ora de Toronto: Es catarates deth Niàgara. Eth contrast dera magnificiéncia dera natura contraste damb eth show toristic qu’an montat en pè des catarates: casinos, hotels, e aberracions artquitectoniques acompanhen ath torista ena sua estada ena frontèra entre es Estats Units e Canadà. . Entà acabar, sonque un apunt: eth milhor brunch –combinacion entre esdejoar e dinar- que pòs hèr en Toronto ei en Eggspectation. http://www.eggspectations.com/